ميلاد مدونة

الولادة كانت متعثرة مش سهلة بس اخيرا وجدت مكانا اعبر فيه عن الى جواية اقول حكايات حصلت فى الدنيا حوليا.انا ام مصرية تعيش حاليا فى بلد جميل طبيعة خالبة بحر جميل جبال شامخة صحراء جميلة معبرة عن فطرة الارض وبساطة متناهية .اما البشر الى عايشين فى البلد دى حاجة تانية خالص خالص اتجاهات مختلفة الوان كتير صعيدى اسمر قاهرى قمحى يابانى اصفر خليجى افريقى اروبى تقدر تقول من كل اجناس الارض واحد سايح وتانى رايح الشغل وجاى من الشغل.اول حاجة لفتت نظرى انى وانا ماشية فى الشارع بحس ان فى شموخ فى مشيتهم كان لامؤاخذة البلد بلدهم. ولااحنا زاد عندنا الاحساس بالغربة.مع انى بحب البلد دى اوى اوى .وبرفض اى فكرة بالبعد عنها.عالعموم الغردقة مليانه حكايات هحاول احكيها وياريت اعرف انطباعات الناس الى زارتها قبل كدة